Татарстанда +17 градуска кадәр җылы булачак
Скопировать ссылку
Бүген, 9 апрельдә, Татарстанда температура фонының күтәрелүе фаразлана. Бу хакта ТР Гидрометүзәге хәбәр итә.
Республикада иртән (шул исәптән Казанда) кыска вакытлы яңгыр явачак һәм кайбер урыннарда томан сакланачак. Көндез явым-төшем көтелми.
Көнбатыш һәм көньяк-көнбатыш җилләре 4-9 м/с көч белән исәчәк. Көндезге сәгатьләрдә ул урыны белән секундына 14 метрга кадәр җитәчәк (Казанда секундына 11 метрга кадәр), дип билгеләп үтә метеорологлар.
Республикада көндез +12...+17 градус җылы булачак (ТР башкаласында — +14...+16).