Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда 1,6 миллион сум алимент бурычы җыелган күп балалы ананы хөкем иттеләр
Татарстанда Балык Бистәсе районында яшәүче 46 яшьлек хатын-кызга карата хөкем карары чыгарылды. Аны балаларын караган өчен акча түләмәүдә гаепле дип таптылар. Бу хакта ТР прокурорының өлкән ярдәмчесе Руслан Галиев хәбәр итте.
Судта ачыкланганча, әлеге хатын-кыз 2014 елның җәеннән бирле өч баласын караган өчен алимент түләргә тиеш булган. Әмма 2022 елның августыннан декабрь аена кадәр ул матди ярдәм күрсәтмәгән. Искәртеп узабыз, ваемсыз ананы алимент түләмәгән өчен элегрәк җаваплылыкка тарткан булганнар инде. Аның гомуми бурычы 1,6 миллион сум тәшкил иткән.
Суд хатын-кызны җиде айга төзәтү эшләренә хөкем иткән. Аның хезмәт хакының 5 процентын дәүләт файдасына тотып калачаклар.
Кызыклы яңалыкларны күзәтеп бару өчен Телеграм-каналга язылыгыз