Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда 13 ел эчендә үзара салым программасы буенча 3,4 млрд сум җыйганнар
Татарстанда 2013 елдан бирле гамәлдә булган үзара салым системасы кысаларында гражданнарга 13 ел эчендә, 2025 елга кадәр, 3,4 млрд сум акча җыю мөмкин булды. Бу хакта бүген ТР Дәүләт Советының Дәүләт корылышы һәм җирле үзидарә комитеты утырышында ТР Муниципаль берәмлекләре Советы башкарма секретаре урынбасары Аркадий Семенычев сөйләде, дип хәбәр итә республика парламенты матбугат хезмәте.
Шул ук вакытта республика бюджетыннан 2013 елдан 2026 елга кадәр 12,9 млрд сум бүлеп бирелгән. Үзара салым системасы Татарстан Республикасы бюджетыннан җыелган һәр сумга тагын дүрт сум бүлеп бирүне күздә тота.
Агымдагы 2026 елга 2025 елның октябрь – декабрь айларында 872 җирлектә 2597 гражданнар җыены үткәрелгән. Хәзерге вакытта 2027 елга үзара салым җыеннары үткәрелә, дип билгеләп үтте нотыкчы.
Аркадий Семенычев бәяләвенчә, үзара салым программасы гамәлдә булган 14 ел эчендә авыл зиратларын тиешле хәлгә китерү, урам-юл челтәрләрен яхшырту, авыл торак пунктларын су белән тәэмин итү һәм яктырту, җәмәгать урыннарын төзекләндерү мөмкин булды.
«Авыл халкы әлеге программада үз акчалары белән актив катнаша һәм үзара салым программасының дәвам итүенә өметләнә», - диде моңа бәйле рәвештә ТР Муниципаль берәмлекләре Советы вәкиле.
Яңалыкларны күзәтеп бару өчен Макс-каналга язылыгыз