Хәвеф-хәтәр 10 август 2018 20:28

Татарстанда 1200 тоткын вакытыннан алда иреккә чыгарга мөмкин

Бүгенгә хөкем карары буенча срокларын үзгәртүгә 427 тоткынның материаллары судка җибәрелгән.

Скопировать ссылку

(Казан, 10 август, «Татар-информ»). Татарстанда 1200 тоткын вакытыннан алда иреккә чыгарга мөмкин. Бу хакта «Татар-информ»га Россия Җәзаларны үтәтү федераль хезмәтенең Татарстан Республикасы буенча идарәсе матбугат хезмәте хәбәр итә.

Агымдагы елның җәй башында РФ Җинаять кодексының 72 нче маддәсенә кертелгән үзгәрешләр буенча сак астында тору вакыты тәрбияви колониядә, колония-поселениедә һәм гомум режимдагы төзәтү учреждениеләрендә булу срогына керә.

Шулай итеп, Татарстанда 1200 тоткын срогыннан алда иреккә чыгарга мөмкин. 8 августка булган мәгълүматлар буенча, хөкем карарын яңа законга туры китерү өчен 427 тоткынның материаллары судка җибәрелгән.

#хөкем #суд #тоткын #җинаять

Сәхифәләр

Татарстанда 1200 тоткын вакытыннан алда иреккә чыгарга мөмкин