Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда 120 яшь эшмәкәр «Мәктәп бизнес-старты» проекты финалында катнашты
«Мәктәп бизнес-старты» проекты финалы бөтен республикадан 120дән артык талантлы мәктәп укучысын җыйды. Чара «Нәтиҗәле конкурентлыкка сәләтле икътисад» илкүләм проекты кысаларында узды һәм оригиналь бизнес-идеяләр тәкъдим итү мәйданчыгы булды. Бу хакта Татарстанның Икътисад министрлыгы матбугат хезмәте хәбәр итә.
Форумда яшь эшмәкәрләр киң спектрда проектлар – традицион һөнәрләрдән башлар югары технологияле эшләнмәләргә кадәр тәкъдим итте. Финалга Казаннан һәм Татарстанның Минзәлә, Буа, Кама Тамагы, Теләче, Тәтеш, Бөгелмә һәм Сарман районнарыннан 12 команда катнашты.
Тәкъдим ителгән проектлар арасында инновацион эшләнмәләр аеруча аерылып торган: экологик продукция җитештерү, балалар үсеше өчен мини-роботлар эшләү, GPS-трекерлы аксессуарлар әзерләү. Катнашучылар шулай ук заманча бизнес-форматлар – татар печеньесы әзерләүдән башлап, милли бизәкле киемнәр җитештерү аша гореф-гадәтләрне саклауга кызыксыну күрсәтте.
«Балалар уен форматында финанс грамотасы һәм эшмәкәрлек фикерләве нигезләрен үзләштерә, идеяләрен тәкъдим итәргә, командада эшләргә һәм проектларын экспертлар каршында якларга өйрәнә. Тик иң мөһиме – чын реаль эшлекле тәҗрибә ала, ул аларга һөнәри траектория сайларга булышачак, ә күпләр өчен үзләренең бизнес-идеяләрен башлап җибәрү өчен этәргеч бирәчәк. Мондый ысуллар киләчәктә республика икътисадының тотрыклы үсешен тәэмин итәргә сәләтле булган кадрлар резервын формалаштыра», – диде Татарстан икътисад министрының беренче урынбасары – Эшмәкәрлекне үстерү департаменты директоры Наталья Кондратова.
Минзәлә, Буа һәм Сарман районнары командалары өч номинациядә җиңде. Җиңүчеләр «Сколково» һәм Мәскәүнең әйдәп баручы башка инновацион мәйданчыкларына бару мөмкинлеге ала. Җәлил бистәсенең №2 урта мәктәбенә һәм Казанның №146 лицеена эшмәкәрлекне үстерү өчен сертификатлар тапшырганнар.
«Мәктәп бизнес-старты» проекты Татарстан Рәисе йөкләмәсе буенча инде өченче ел уздырыла. 2022-2025 еллар дәвамында ул 45 300 мәктәп укучысын иңләгән, аларны 21 меңнән артыгы – кече шәһәрләрдә һәм авылларда укучылар.
Кызыклы яңалыкларны күзәтеп бару өчен Телеграм-каналга язылыгыз