Татарстанда 11 градуска кадәр җылы булачак
Скопировать ссылку
Якын көннәрдә антициклон тәэсирендә Татарстанда явым-төшем туктаячак һәм температура күтәреләчәк. Бу ТР Гидрометеорология үзәге тараткан фараздан күренә.
Җомгага каршы төндә, 18 октябрьдә, урыны белән республикада яңгыр һәм юеш кар явуы ихтимал, кайбер районнарда томан төшәчәк, юлларның аерым участокларында бозлавык барлыкка килергә мөмкин.
Көндез үк атмосфера басымы үсә башлаячак, Россиянең Европа территориясенең көнбатышыннан төбәккә чираттагы антициклон таралачак. Явым-төшем көтелми, һава 6-11 градуска кадәр җылыначак.