Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда авыл хуҗалыгында 10 меңгә якын хезмәткәр мобилизациядән бронь алырга мөмкин
Татарстанда агросәнәгать комплексының 600 предприятиесе хезмәткәрләрне броньларга хокуклы.
Татарстанда агросәнәгать комплексында эшләүче 10 меңгә якын хезмәткәр мобилизациядән бронь ала ала. Бу аларның гомуми саныннан 38 процентны тәшкил итә. Бу хакта матбугат конференциясендә республиканың Авыл хуҗалыгы һәм азык-төлек министры Марат Җәббаров хәбәр итте.
«Татарстанда агросәнәгать комплексының 600 предприятиесе хезмәткәрләрне броньларга хокуклы. Бу предприятиеләрдә 49 мең кеше эшли. Запаста торучы 12 мең хезмәткәрнең 10 меңгә якынына бронь бирелә ала», – дип сөйләде Авыл хуҗалыгы һәм азык-төлек министрлыгы башлыгы.
Җәббаров сүзләренә караганда, авыл хуҗалыгы тормагында эшләп мобилизацияләнгән кешеләр урынына яңа белгечләр табарга тырышалар. Шуңа бәйле рәвештә тиз арада белгечләр эзләү буенча эш алып барыла. Шул ук вакытта министр вазгыятьнең кискен булмавын билгеләп үтте.
«Предприятиеләрдән, авыл хуҗалыгы товарлары җитештерүчеләрдән күп мөрәҗәгать килә. Бүген киткәннәргә алмаш табарга тырышалар. Предприятиеләр бу хәлләрдән шулай итеп чыга», – диде ул.
РФ Президенты Владимир Путин 21 сентябрьдә илдә өлешчә мобилизация игълан итте. 24 февральдән башлап, Россия Донбассны яклау буенча махсус хәрби операция үткәрә. Дәүләт башлыгы халыкны яклауны һәм Украинаны демилитаризацияләүне төп максатлар дип атады.
Кызыклы яңалыкларны күзәтеп бару өчен Телеграм-каналга язылыгыз