Татарстанда +1 градуска кадәр җылы булачак
Скопировать ссылку
Дүшәмбе көнне, 11 ноябрьдә, Татарстанда көндез температура -2 дән +1 градуска кадәр булачак. Шулай ук республиканың кайбер почмакларында бераз кар явачак.
ТР Гидрометүзәге хәбәр иткәнчә, бу көнне җил көнбатыштан, төньяк-көнбатыштан 6-11 м/с тизлек белән булачак.
Синоптиклар татарстанлыларны дүшәмбе көнне юлларда урыны белән бозлавык барлыкка килергә мөмкин дип кисәтә.