#ТатарстанАлга фотобәйгесендә тугыз телевизор уйнатылачак
Татарстанда 2026 елның 17 августыннан 5 сентябренә кадәр #ТатарстанАлга фотобәйгесе уза. Өч атна эчендә катнашучылар арасында тугыз Xiaomi телевизоры уйнатылачак – атна саен өчәр. Оештыручы - «Вконтакте» социаль челтәрендәге «Татарстан Алга» бергәлеге.
Конкурсның беренче атнасы #ЛетоВТатарстане темасы астында уза. Катнашучыларга җәйне республикада ничек уздырулары турында фотосурәтләр урнаштырырга тәкъдим итәләр. Эшләр 21 августка кадәр кабул ителә.
Катнашу өчен 17-21 август көннәрендә «ВКонтакте»дагы үз битеңә беренче атна темасына туры килә торган фотография урнаштырырга һәм #ТатарстанАлга һәм #ЛетоВТатарстане хэштегларын өстәргә кирәк.
Катнашучы 18 яшьтән өлкәнрәк булырга, социаль челтәрдәге бите ачык һәм конкурста катнашуга кимендә 30 көн алдан теркәлгән булырга тиеш.
Беренче атнага нәтиҗәләр 22 августта 18:00 сәгатьтә конкурсның «ВКонтакте»дагы рәсми бергәлегендә ясалачак. Өч җиңүче Xiaomi телевизоры алачак.
Алдагы ике атнада тагын өчәр җиңүчене билгеләячәкләр. Шулай итеп, конкурс үткәрү чорында барлыгы тугыз телевизор уйнатылачак.