Татарстанлыларга кар яуган вакытта юлда куркынычсызлык чараларын искә төшерделәр
Скопировать ссылку
Татарстан Дәүләт автоинспекциясе машина йөртүчеләргә һәм җәяүлеләргә елның кышкы вакытында иминлек чаралары турында искә төшерә.
Юл хәрәкәте кагыйдәләре җәяүлеләргә тротуардан хәрәкәт итәргә куша, ә алар булмаганда – юл читеннән. Бу мөмкин булмаган очракта, алар юл читеннән бер рәт булып транспорт чаралары хәрәкәтенә каршы бара ала.
Велосипедчылар турында да онытмаска кирәк. Еш кына велосипедта курьерлар йөри, алар шулай ук машина юлыннан хәрәкәт итә. Мондый очракта алар транспорт чаралары хәрәкәте уңаена барырга тиеш.
Машина йөртүчеләр бик игътибарлы, сак булырга һәм юлга җәяүле яки велосипедчылар килеп чыгу ихтималына әзер булырга тиеш.