Татарстан юлындагы авариядән соң чит ил машинасының ишекләре салонга батып кергән
Юл һәлакәтендә ике машина йөртүчесе һәм бер автомобильнең пассажиры зыян күргән.
Скопировать ссылку
(Казан, 21 декабрь, «Татар-информ», Павел Климчак). Татарстан юлында булган авариядән соң чит ил машинасының ишекләре салонга батып кергән. Бу хакта аварияне күргән кешеләр хәбәр итте.
Бүген иртән Лаеш районының Полянка авылы янында «Рено Логан» автомобиле яннан «Хендэ Солярис» машинасына килеп бәрелгән. Нәтиҗәдә, соңгысының ишекләре салонга батып кергән. «Рено» автомобиленең алды җитди зыян күргән.
Авария нәтиҗәсендә юл һәлакәтендә катнашучыларның барысы да төрле тән җәрәхәтләре алган: машина йөртүчеләрнең икесен дә һәм «Рено» пассажирын җирле хастаханәгә озатканнар.