Татарстан юлында такта төягән «КАМАЗ» әйләнеп капланган
Юл-транспорт һәлакәте Биектау һәм Әтнә районнары чигендә булган.
Скопировать ссылку
(Казан, 26 сентябрь, «Татар-информ»). Татарстан юлында такта төягән «КАМАЗ» әйләнеп капланган. Бу хакта һәлакәт шаһитлары социаль челтәрдә хәбәр итә.
Шаһитлар сүзләренчә, юл-транспорт һәлакәте Биектау һәм Әтнә районнары чигендә булган.
Фотоларда йөк машинасының түбәсенә әйләнеп каплануы күренә. Юл хәрәкәте чикләнгән. Автомобиль кабинасы яньчелгән.
Юл-транспорт һәлакәте килеп чыгу сәбәпләре ачыклана.