Татарстан юлында «Лада Калина» автомобиле аюны бәрдергән
Скопировать ссылку
шаһитлар фотосы
Бүген төнлә Татарстанның Кукмара районында җиңел автомобиль аюны бәрдергән. Бу хакта «Татар-информ» агентлыгына авариянең шаһитлары хәбәр итте.
Юл һәлакәте Ош-Юмья авылы янында булган. Биредә «Лада Калина» автомобиленең йөртүчесе аюны таптаткан, алган җәрәхәтләрдән җәнлек шунда ук үлгән.
Шаһитлар әйтүенчә, автомобильгә сизелерлек зыян килсә дә, машина йөртүче имгәнмәгән.