Татарстан юлында көпчәге шартлап, машина әйләнеп капланган, өч кеше зыян күргән
Бүген республиканың Тәтеш районында Нармонка авылыннан ерак түгел юл-транспорт һәлакәте булган.
Скопировать ссылку
(Казан, 29 июль, «Татар-информ», Наталия Никифорова). ТР трассасында көпчәге шартлап, чит ил машинасы әйләнеп капланган, өч кеше зыян күргән. Бу хакта шаһитлар хәбәр итте.
Агентлыкка билгеле булганча, бүген республиканың Тәтеш районында Нармонка авылыннан ерак түгел юл-транспорт һәлакәте булган.
«Ниссан Альмера» машинасының хәрәкәт вакытында көпчәге шартлаган, машина әйләнеп капланган.
Шаһитларның сүзләренә караганда, ашыгыч ярдәм машинасы авария урыныннан хастаханәгә зыян күргән өч кешене алып киткән.
