Татарстанда ике җиңел автомобиль бәрелешкән, йөртүчеләрнең берсе үлгән
Скопировать ссылку
шаһитлар
Кичә көндез республиканың Балтач районында, Балтач – Әтнә автомобиль юлында кеше үлеменә китергән юл һәлакәте булган. Бу хакта республика Дәүләт автоинспекциясе хәбәр итә.
Якынча мәгълүматлар буенча, «Лада» машинасының 60 яшьлек йөртүчесе, идарәсен югалтып, каршы як полосага чыккан һәм 36 яшьлек ир-ат идарә иткән Ford автомобиле белән бәрелешкән.
Авариядә «Лада»ның йөртүчесе һәлак булган. Төрле тән җәрәхәтләре алган Ford шоферын хастаханәгә озатканнар.