Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан йогышлы авырулардан дәвалау ятаклары белән аз тәэмин ителгән
Бүген республикада йогышлы авырулардан дәвалау ятаклары саны 100 мең кешегә 2,1 ятак туры килә.
(Казан, 21 декабрь, “Татар-информ”, Гөлнар Гарифуллина). Бүген Татарстанның йогышлы авырулардан дәвалау ятаклары белән тәэмин ителеше Идел буе федераль округында һәм РФдә дә иң түбәне. Бу хакта ТР Дәүләт Советы Социаль сәясәт комитетының күчмә утырышында ИФОның штаттан тыш баш инфекционисты Ирина Кравченко әйтте.
“2005 елдан башлап Россиянең барлык төбәкләрендә ятаклар фонды кыскарган. Тулаем алганда, Идел буе федераль округы буенча 37 процентка, Татарстан буенча 47 процентка кимегән. Йогышлы авырулар кабинетлары округта – 19, Татарстанда 20 процентка кимегән. Болар йогышлы авырулар хезмәтендә кадрлар потенциалы кимүгә китергән”, - ди Кравченко.
Аның сүзләренчә, бүген республикада йогышлы авырулардан дәвалау ятаклары 100 мең кешегә 2,1 нисбәтендә. Чагыштыру өчен, ИФО буенча бу күрсәткеч 3,9, РФ буенча 4,0. “Татарстан стационарны алмаштыручы технологияләрне үстерергә мәҗбүр булды. Гәрчә башка төбәкләр, әйтик, Башкортстан йогышлы авырулардан дәвалау ятакларын яңадан ачу карарына килде, чөнки чыннан да ихтыяҗ зур”, - ди табиб.
Ирина Кравченко әйтүенчә, авырлыкларга карамастан, йогышлы патологияле авыруларга медицина ярдәме күрсәтү, башка субъектлар белән чагыштырганда, бездә югары дәрәҗәдә. “Татарстан стационарны алмаштыручы технологияләр буенча кызыклы проект тәкъдим итә: бу консультатив-диагностика үзәге һәм кабул итү-диагностика бүлеге”, - диде.
Шулай да, ул республикада Йогышлы авырулар хастаханәсе төзелеше мәсьәләсен алга сөрергә кирәк, дигән фикердә. “Балалар стационары төзелеше ятаклар фонды проблемасын хәл итәргә булышачак”, - диде. Ирина Кравченко фикеренчә, лаборатория хезмәтен дә яңартырга кирәк.
Баш инфекционист кадрларга кытлык мәсьәләсенә дә тукталды. “Йогышлы инфекцияләр белән авыручыларга ярдәм күрсәтү тәртибе бар: 20 мең кешегә – бер табиб. Бүген Татарстанда Йогышлы авырулар кабинетларында эшләүче 66 табибны 3 млн 800 кешегә бүлсәк, 60 меңгә бер табиб туры килә. Нормадан өч тапкыр артык. Татарстанда кадрлар әзерләү, ятаклар фонды буенча пррограммалар кирәклеген әйтте.
Кызыклы яңалыкларны күзәтеп бару өчен Телеграм-каналга язылыгыз