Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Язучылар берлегендә Тукай премиясенә кандидат язучылар җыела
Әдәби тәнкыйть секциясе утырышында Тукай бүләген дәгъвалаучы язучыларның иҗатлары тикшереләчәк.
(Казан, 22 март, “Татар-информ”). 3 апрель көнне 15 сәгатьтә Татарстан Язучылар берлегендә Әдәби тәнкыйть секциясе утырышы була. Анда Г.Тукай премиясенә быелгы кандидат язучыларның китаплары турында фикер алышачаклар. Бу хакта Татарстан Язучылар берлеге сайты хәбәр итә.
Утырышта Г.Тукай исемендәге дәүләт бүләген дәгъвалаучы язучылардан Әхәт Гаффарның - “Олы юлның тузаны”, “Дәрья башы”, “Әхәт Гаффар: балалар өчен әкиятләр, хикәяләр, пьесалар” китаплары; Камил Кәримовның - “Карурманда кара песи”, “Игезәкләр йолдызлыгы” китаплары; Зиннур Хөсниярның “Кичү”. “Гарасат”, “Көмеш чыбыркы” китаплары турында фикер алышу булачак.
Очрашуга хәзерге татар прозасы һәм әдәби тәнкыйть белән кызыксынучыларны чакыралар. Фикер алышуда күрсәтелгән әсәрләрнең әдәби-эстетик кыйммәте, татар әдәбиятына алып килгән яңалыгы турында сөйләшү, фикерләшү һәм тәнкыйть чыгышлары көтелә.
Кызыклы яңалыкларны күзәтеп бару өчен Телеграм-каналга язылыгыз