Спорт 24 июль 2017 12:02

Татарстан йөзүчесе дөнья чемпионатының ярымфиналына узды

Григорий Тарасевич аркада 50 һәм 100 метрга йөзүдә көч сынаша.

Скопировать ссылку

(Казан, 24 июль, "Татар-информ"). Венгрия башкаласы Будапешт шәһәрендә Су спорты төрләре буенча дөнья чемпионаты дәвам итә. Бүген йөзү буенча ярышларның икенче көне. Анда Татарстан йөзүчеләре дә көч сынаша.

Россия данын Татарстаннан өч йөзүче яклый. Дөнья чемпионатында бердәнбер дисциплина – эстафетада чыгыш ясаган Никита Королев өчен ярышлар төгәлләнсә, Александр Красных (200 һәм 400 метрга ирекле йөзү, эстафета 4×200 метр) белән Григорий Тарасевич (аркада 50 һәм 100 метрга йөзү) өчен барысы да алда әле.

Бүген Григорий Тарасевич 100 метр арага узышуда квалификация этабын уңышлы узды – өченче күрсәткеч белән ярымфиналга үтте.

"Биредә ярышлар уза торган һәм күнегүләр өчен каралган бассейнда да шартлар яхшы. Шуңа да кәефләр шәп, сугышчан", – дип белдергән "Р-Спорт" агентлыгына Татарстан йөзүчесе.

#Татарстан йөзүчеләре

Сәхифәләр

Татарстан йөзүчесе дөнья чемпионатының ярымфиналына узды