Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан йөзүчесе Александр Красных дөнья чемпионатында бронза медаль яулады
Будапештта уза торган дөнья чемпионатында бүген йөзү ярышларының өченче көне.
(Казан, 25 июль, "Татар-информ", Фәрит Салихов). Будапештта уза торган Су спорты төрләре буенча дөнья чемпионатында Татарстан йөзүчесе, 22 яшьлек Александр Красных 200 метр арага ирекле ысул белән йөзүдә бронза медаль яулады.
Бөгелмә йөзүчесе 200 метр араны 1 минут 45,23 секундта йөзеп узды. Беренче урында Кытай спортчысы – Сунь Ян (1.44,39), икенчедә Америка йөзүчесе Таунли Хаас (1.45,04).
"Дистанциянең 175 метрын узганнан соң берни хәтерләмим. Елыйсым килде. Дүртенче урында калган Бөекбритания спортчысын 0,04 секундка узуымны күргәч нык сөендем. Алга таба мотивацияме? Проблема булмас, мин бит әле Олимпия чемпионы түгел", – диде фиништан соң Александр Красның журналистларга.
Исегезгә төшерәбез, Су спорты төрләре буенча дөнья чемпионаты 30 июльдә төгәлләнә.
Кызыклы яңалыкларны күзәтеп бару өчен Телеграм-каналга язылыгыз