Спорт 19 гыйнвар 2010 18:58

Татарстан йөзүчеләре – Идел буе федераль округы лидерлары

Татарстан җыелма командасы йөзү буенча Идел буе федераль округы чемпионаты һәм беренчелегенең гомумкоманда зачетында беренче урынны яулады

Скопировать ссылку

(Казан, 19 гыйнвар, “Татар–информ”). Татарстан җыелма командасы Ижауда узган йөзү буенча Идел буе федераль округы чемпионаты һәм беренчелегенең гомумкоманда зачетында беренче урынны яулады.
Ярышларда 10 команда катнашты. Турнирда Татарстан Республикасын Казан, Чаллы, Әлмәт, Бөгелмә һәм Лениногорскидан 60 спортчы тәкъдим итте. Гомумкоманда зачетында Татарстан вәкилләре беренче урынга лаек булды. Ярышларның нәтиҗәләре буенча 7–11 февраль көннәрендә Санкт–Петербургта узачак Россия чемпионатында катнашу өчен ТР җыелма командасы составы формалаштырылды, дип хәбәр итә ТР Яшьләр эшләре, спорт һәм туристлык министрлыгының матбугат хезмәте.
Искәртеп узабыз, составында Александр Сафонов, Дмитрий Басин, Александр Шимин һәм Иван Трофимов булган ир–егетләр эстафета командасы Идел буе федераль округы күләмендә яңа рекорд куйды.

Сәхифәләр

Татарстан йөзүчеләре – Идел буе федераль округы лидерлары