Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Хөкүмәте пилотсыз очу аппаратлары турында мәгълүмат урнаштыруны тыйды
Татарстан Республикасында интернетта һәм гаммәви мәгълүмат чараларында пилотсыз очкычлар һәм һава һөҗүменнән саклану чаралары турында мәгълүмат таратуны рәсми рәвештә тыйдылар. Бүген республика Рәисе Рөстәм Миңнеханов шул хактагы указга кул куйды.
Теләсә нинди мәгълүмат, шул исәптән фото һәм видеолар тыела:
• дроннар куллану, аларның нәтиҗәләре, шулай ук аппаратларның типлары, аларны җибәрү, җиргә төшү яки очу урыннары турында;
• Татарстан территориясендә һава һөҗүменнән саклану һәм радиоэлектрон көрәш системалары эше хакында;
• һава һөҗүменнән саклану системаларының урнашу урыннары турында;
• һава һөҗүменнән саклану объектлары урнашкан урынны фаш итәргә мөмкин булган теләсә нинди башка мәгълүмат.
Чикләү дәүләт хакимияте органнарының (федераль, республика, җирле) рәсми хәбәрләренә кагылмый. Мондый яңалыкларны бары тик шушы рәсми чыганакларга сылтама белән генә таратырга мөмкин.
Чикләү элегрәк Россия Президенты указы белән кертелгән махсус режим (база әзерлеге режимы) гамәлдән чыгарылганчы гамәлдә.
Кызыклы яңалыкларны күзәтеп бару өчен Телеграм-каналга язылыгыз