Җәмгыять 30 ноябрь 2023 09:16

Татарстан халкын кошларга җимлек ясау бәйгесендә катнашырга чакыралар

Скопировать ссылку

«Кошларның сакчылары» акциясе кысаларында кошлар өчен азык әзерләү конкурсына гаризалар кабул ителә. Чараны Ecowiki.ru платформасы оештыра. Бу турыда Татарстан Урман хуҗалыгы министрлыгы хәбәр итте.

Конкурсның максаты – экологик мәгърифәтчелек, хайваннар дөньясына сакчыл мөнәсәбәт формалаштыру, шулай ук экологик волонтерлык идеяләрен, кыйммәтләрен һәм практикаларын популярлаштыру.

Катнашу өчен җимлек әзерләп, аны урнаштырырга, аннары «Кошларның сакчылары» акциясе битендә теркәргә һәм шәхси кабинетта хисап тапшырырга кирәк. Мәҗбүри шарт – фотоларга төшерү һәм социаль челтәрләрдә #хранителиптиц һәм #эковики хештегларын кулланып, акцияләр турында сөйләү.

Хисапны 2024 елның 31 мартына кадәр тапшырып була.

Конкурс һәм анда катнашу шартлары турында тулырак итеп рәсми сайтта белергә мөмкин.

Сәхифәләр

Татарстан халкын кошларга җимлек ясау бәйгесендә катнашырга чакыралар