Җәмгыять 1 октябрь 2024 18:50

Татарстан ветераннары Курск өлкәсенә 60 тонна азык-төлек озаткан

Скопировать ссылку

Махсус хәрби операция башланганнан бирле Татарстан ветераннары хәрбиләргә ярдәм йөзеннән төрле акцияләрдә катнаша. Хәйрия чаралары «Ветераннар – фронтка» исеме астына берләштерелгән. Бу хакта бүген Казанда брифингта Татарстан Ветераннары (пенсионерлары) төбәк иҗтимагый оешмасы рәисе Хәбир Иштирәков хәбәр итте.

«Безнең ветераннар көн– төн эшли: маскировкалау челтәре үрәләр, кием-салым, маскировка халатлары һәм костюмнар тегәләр, окоп шәмнәре, буржуйкалар ясыйлар», - диде ул.

Иштирәков сүзләренчә, Украина Кораллы көчләре Курск өлкәсенә бәреп кергәч, хәйрия исәп-хисап счеты ачылды. Дүрт көн эчендә өлкәннәр пенсияләреннән 1 млн сумнан артык акча биргән. Ә бүгенге көнгә 4 млн сумнан артык акча җыелган.

«Татарстан Министрлар Кабинеты, Татарстан Кулланучылар оешмалары берлеге, Татарстан Яшьләр эшләре министрлыгы ярдәмендә 60 тонна азык-төлек продуктлары сатып алдык, өч фура ярдәм җыелды һәм Курск өлкәсенә озатылды», - диде Иштирәков.

Шулай ук хәйрия акчаларына Лениногорск интернат-йортында яшәүчеләр өчен Кукмара итекләренә, җылы башмакларга һәм кышкы курткаларга заказ бирелде.

Сәхифәләр

Татарстан ветераннары Курск өлкәсенә 60 тонна азык-төлек озаткан