news_header_top_970_100
16+
news_header_bot_970_100

Татарстан үзмәшгульләре һәм эшмәкәрләре үз продукциясен Сабантуйда тәкъдим итә алачак

Татарстанның үзмәшгульлек үзәкләре һәм эшкуарлары үз продукцияләрен быел 19 июньдә узачак Сабантуйда тәкъдим итә алачак. Каенлыктагы бәйрәм мәйданчыгында алар өчен махсус зона әзерләнәчәк, дип хәбәр итә Вахитов һәм Идел буе районнары администрациясе матбугат хезмәте.

Сабантуйда катнашу өчен гаризалар Вахитов һәм Идел буе районнары администрациясендә, Ипподром урамы, 14 (42 нче кабинет) адресы буенча кабул ителә. Үзең белән паспорт һәм товарның өстәлгә тезеп куеп төшерелгән фотосурәтләрен алып килергә кирәк.

Үзмәшгульләр һәм эшкуарлар администрациягә эш көннәрендә 9:00 дән 18:00 гә кадәр (төшке аш 12:00 дән 13:00 гә кадәр) мөрәҗәгать итә алалар. Белешмәләр өчен телефон: +7(843) 223-21-11, 2521 (өстәмә номер).

autoscroll_news_right_240_400_1
autoscroll_news_right_240_400_2
news_bot_970_100