Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Үзәк сайлау комиссиясе участок сайлау комиссияләренең 22 мең әгъзасы укыта
Татарстан Үзәк сайлау комиссиясе республика районнарында участок сайлау комиссияләре әгъзалары өчен белем бирү программасын тормышка ашыра. Бердәм тавыш бирү көне алдыннан 22 мең чамасы кеше сайлау барышы, закондагы яңалыклар һәм участок сайлау комиссияләре эшенә таләпләр турында лекцияләр тыңлый. Бу хакта Татарстанның Үзәк сайлау комиссиясенең матбугат хезмәте хәбәр итә.
Үзәк сайлау комиссиясе участок комиссияләре эшенең бөтен этабын – сайлаучылар исемлеген төгәлләштерү, тавыш бирү йомгаклары буенча машина укый торган код белән беркетмә төзү һәм аларны территориаль сайлау комиссиясенә тапшыруны колачлаган белем бирү программасы әзерләгән.
Дәресләрне Үзәк сайлау комиссиясе әгъзалары, бүлек җитәкчеләре, аппарат хезмәткәрләре һәм профильле белгечләр алып бара. Участок сайлау комиссияләре әгъзалары өчен соңгы семинар Чистай шәһәренең «Чистай» мәдәният үзәгендә узган. Анда Алексеевск, Яңа Чишмә, Спас һәм Чистай районнары сайлау комиссияләреннән 200 вәкил катнашкан. Эксперт буларак Татарстан Үзәк сайлау комиссиясе сәркатибе Надежда Борисова һәм белем бирү программасы кураторы Валентина Каменькова чыгыш ясаган. Якын арада Татарстанның Лаеш, Питрәч һәм Балык Бистәсе районнары территориаль һәм участок сайлау комиссияләре әгъзаларын укыту планлаштырыла.
Укыту әкренләп республикадагы барлык сайлау комиссиясе әгъзаларын колачларга тиеш. Аның йомгаклары буенча, барлык тыңлаучылар да белем дәрәҗәсен билгеләү өчен тест узачак.
«Сайлау комиссияләре кадрлар составының әзерлек дәрәҗәсенә бик күп нәрсә, шул исәптән сайлаучыларның тавыш бирү барышына һәм аның легитимлыгына мөнәсәбәте дә бәйле. Шуңа күрә укыту сайлау комиссияләре әгъзаларының һөнәри белемнәренә булышуга юнәлгән», – дип сөйләде Татарстан Үзәк сайлау комиссиясе рәисе Андрей Кондратьев.
Татарстанда бердәм тавыш бирү көне 14 сентябрьдә була. Бөтен республика буенча территориаль сайлау участоклары иртәнге җидедән кичке сигезгә кадәр эшләячәк. Татарстан халкы Республика рәисен һәм җирле үзидарәнең вәкиллекле органнарына депутатлар сайлауда, ә Чаллы шәһәренең Комсомол районы халкы Мәләкәс бермандатлы сайлау округы буенча Татарстан Дәүләт Советына өстәмә депутат сайлауда катнаша алачак.
Кызыклы яңалыкларны күзәтеп бару өчен Телеграм-каналга язылыгыз