Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан урманнарын спутник һәм квадрокоптерлар ярдәмендә күзәтәчәкләр
Законсыз киселгән урыннар рәсемдә күренәчәк.
(Казан, 20 апрель, «Татар-информ», Рифат Каюмов). Татарстан урманнарын быелдан спутник һәм квадрокоптерлар ярдәмендә күзәтәчәкләр.
«Без былтыр ике квадракоптер сатып алдык. Белгечләр аларны кулланырга өйрәнделәр. Быел файдаланырга җыенабыз», — диде Татарстанның урман хуҗалыгы министры Равил Кузюров ТР Хөкүмәт йортында узган брифингта.
Әгәр спутниктан алынган мониторинг конкрет участокта үзгәреш күрсәтсә, ул урынга квадрокоптер җибәреп, төгәлрәк рәсем алырга мөмкин булачак.
«Гади генә әйткәндә, урманчы эш урынына килүгә компьютерын кабызып, космостан төшерелгән рәсемдә үз участогындагы үзгәрешләрне тикшерә. Законсыз киселгән урыннар рәсемдә күренә. Алга таба нинди чаралар күрәсен хәл итә», — диде Равил Кузюров.
Кызыклы яңалыкларны күзәтеп бару өчен Телеграм-каналга язылыгыз