Җәмгыять 17 декабрь 2009 12:17

Татарстан урманчылары бүләккә янгын сүндерү һәм урман патруле автомобильләре алды

Казанда 2018 елга кадәр Татарстан урман хуҗалгы үсеше стратегиясе буенча фикер алышалар

Скопировать ссылку

(Казан, 17 декабрь, «Татар-информ», Лилия Маркелова). Бүген Казанда 2018 елга кадәр Татарстан урман хуҗалыгы үсеше стратегиясе буенча фикер алышалар. Утырышта Татарстан Премьер-министры Рөстәм Миңнеханов һәм Урман хуҗалыгы ,буенча федеральагентлыгы җитәкчесе Алексей Савинов катнаша.
Чара башланганчы урамда бик суык булуга карамастан, “Казан” милли мәдәни үзәге мәйданында урманнарны саклау өчен билгеләнгән махсус техниканы тапшыру тантанасы булды. ТР Урман хуҗалыгы министрлыгының ведомство карамагындагы учреждение белгечләре республика Хөкүмәте җитәкчесе һәм Федераль Урман хуҗалыгы агентлыгы җитәкчесе кулыннан 17 яңа янгын сүндерү машинасы һәм 30 “УАЗ” урман патруле автомобильләре ачкычларын тапшырды. Беренче машиналар республика бюджеты хисабына алынган, ә икенчеләре – федераль бюджет хисабына.
Бүгенге көндә Татарстан өчен урман хуҗалыгын үстерү темасы бик актуаль, дип белдерде Рөстәм Миңнеханов. Бу Хөкүмәт эшчәнлегенең иң өстенлекле юнәлешләренең берсе, бигрәк тә урманнарны янгыннан саклау өлкәсендә. “Бүген Россия Федерациясе урман комплексын үстерү эшендә җитди адымнар ясый. Татарстанда урманлы җирләр күп булмавын беләбез. Урман комплексы экологиянең мөһим сегменты булу сәбәпле, без урман хуҗалыгын үстерү стратегиясе кысаларында бу системаны дөрес төзү әһәмияткә ия булуын аңлыйбыз”, - диде ТР Премьер-министры.

Сәхифәләр

Татарстан урманчылары бүләккә янгын сүндерү һәм урман патруле автомобильләре алды