Татарстан унынчы тапкыр «Хәтер уты» акциясенә кушылачак
Казанлылар 6 майда 7:45 сәгатьтә тимер юл вокзалында «Хәтер уты»н – Мәскәүнең Александров бакчасындагы Билгесез солдат кабере яныннан алып кайтылган мәңгелек ут очкынын каршы алачак. Республика Халык фронтының быел унынчы мәртәбә уздырыла торган халыкара патриотик акциясенә кушылачак.
Акция Бөек Ватан сугышы ветераннарын, махсус хәрби операция катнашучыларын, яшьләрне, иҗтимагый оешмаларны һәм барлык ил халкын халык батырлыгы истәлеге символы тирәсендә берләштерә. Халык фронты активистлары Мәңгелек ут кисәкчәләре урнаштырылган лампаларны ветераннарга, алгы сызыкта хезмәт итүче хәрбиләргә, шулай ук Россия төбәкләренә һәм чит илләргә тапшырачак.
2026 елда утны Россиянең 71 төбәгендә һәм 200 торак пунктында яшәүче 400дән артык ветеранга тапшырырга планлаштыралар. Моннан тыш, аны Европа, Азия һәм Африканың 14 иленә җибәрәчәкләр.