Татарстан тхэквондочылары «Россия студентлар лигасы Кубогы»нда ике алтын медаль яулаган
Татарстанның «Динамо» бөтенроссия физкультура-спорт җәмгыяте һәм Чаллы дәүләт педагогика университеты вәкилләре «Россия студентлар лигасы Кубогы – 2025» тхэквондо буенча бөтенроссия ярышларында ике алтын, бер көмеш һәм бер бронза медаль яулады.
Турнир Мәскәү өлкәсенең Комягино шәһәрендә узды. Татарстан җыелма командасының нәтиҗәләре:
Захар Басов (54 килограммга кадәр авырлык категориясендә) - 1 урын
Даниил Жданов (74 килограммга кадәр авырлык категориясендә) - 1 урын
Анастасия Погорелова (53 килограммга кадәр авырлык категориясендә) - 2 урын
Эмиль Алиев (80 килограммга кадәр авырлык категориясендә) - 3 урын
«Гомумкоманда зачетында 3нче урын яуладык. Безнең җыелма команданың барлык спортчылары да турнирга килә алмады. Хәзерге вакытта төп спортчылар дөнья һәм Европа беренчелегенә әзерләнә», – диде «Татар-информ» журналистына Татарстан Республикасының тхэквондо буенча җыелма командасы баш тренеры Сергей Титкин.