Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Төзелеш министрлыгында территорияләрне үстерү департаменты эшли башлаячак
Татарстан Төзелеш, архитектура һәм ТКХ министрлыгында территорияләрне үстерү департаменты оештырыла, ул быелның 1 июленнән эшли башлаячак. Ведомство башлыгы урынбасары Владимир Кудряшев «Татар-информ» агентлыгына шулай дип белдерде.
«1 июльдән министрлыкта территорияләрне үстерү департаменты оештырылачак. Аның турыдан-туры буйсынудагы өч бүлеге булачак: шәһәр төзелеше эшчәнлеген тәэмин итү системасыннан җир кишәрлекләре шәһәр төзелеше планнарын һәм белешмәләрен бирү бүлеге, шәһәр төзелешенә рөхсәт бирү бүлеге, җирдән файдалану һәм төзелеш буенча комиссия эшчәнлеген тәэмин итү бүлеге, аның утырышларын хәзер дә атнага бер тапкыр үткәрәбез», - дип аңлатты министр урынбасары.
Департаментта шулай ук Татарстанның җиде агломерациясен (Казан, Әлмәт, Идел аръягы, Кама, Төньяк-Көнбатыш, Көньяк-Көнбатыш, Төньяк-Көнчыгыш) үстерү идарәсе дә булачак.
«Без структураны яңадан карап чыгарга булдык, аны нигезләдек һәм ТР Рәисе безне хуплады», - дип өстәде Кудряшев.
Кызыклы яңалыкларны күзәтеп бару өчен Телеграм-каналга язылыгыз