Икътисад 22 ноябрь 2017 19:22

Татарстан тотылган автомобильләр сату буенча югары күрсәткечле төбәкләр унлыгына кергән

Бу рейтингта Амур өлкәсе лидерлык итә, анда октябрьдә тотылган 32 011 автомобиль сатылган.

Скопировать ссылку

(Казан, 22 ноябрь, «Татар-информ»). 2017 елның октябрендә Татарстанда кулланылышта булган 12 248 автомобиль сатылган. Шундый машиналар сату буенча республика Россия Федерациясе төбәкләре арасында тугызынчы урынны били.

«Автостат Инфо» мәгълүматлары буенча Татарстанда кулланылышта булган машиналарны сату күләме бары тик 1,1 процентка гына кимегән.

Бу рейтингта Амур өлкәсе лидерлык итә, анда октябрьдә тотылган 32 011 автомобиль сатылган. Беренче өчлеккә шулай ук Мәскәү өлкәсе (25 164) һәм Краснодар крае (22 836) кергән.

Беренче бишлекне Мәскәү һәм Ростов өлкәсе төгәлли. Алардан соң Санкт-Петербург, Свердловск өлкәсе һәм Башкортстан. Унынчы урында – Чиләбе өлкәсе.

#Машина сату

Сәхифәләр

Татарстан тотылган автомобильләр сату буенча югары күрсәткечле төбәкләр унлыгына кергән