Икътисад 18 март 2023 17:19

Татарстан торак төзелеше буенча еллык планны 35 процентка үтәгән

Скопировать ссылку

18 мартка Татарстанда торак төзелеше буенча еллык план 35 процентка үтәлгән. ТР төзелеш, архитектура һәм ТКХ министры Марат Айзатуллин шимбә киңәшмәсендә шулай дип белдерде.

Ул билгеләп үткәнчә, республикада 1 миллион 92 мең квадрат метр торак сафка бастырылган. Бу уңайдан коммерцияле төзелеш компанияләре әйдәп бара – еллык планның 42 проценты алар өлешенә туры килә. Гомуми мәйданы 599 мең квадрат метр тәшкил иткән 81 күп фатирлы йорт файдалануга тапшыруга әзер.

Социаль ипотека программасы буенча 15 йорт төзелгән, бу – планлаштырылган еллык күрсәткечнең 28 проценты. Шәхси торак төзелеше линиясе буенча еллык план 30 процентка үтәлгән – бу 450 мең квадрат метр тирәсе. 2023 елда 1 миллион 510 мең квадрат метр торак сафка бастыру ниятләнә. Бу хакта республика җитәкчесенең матбугат хезмәте хәбәр итә.

Барлык муниципаль районнар белән видеоконференция элемтәсе режимындагы киңәшмәне Татарстан Рәисе Рөстәм Миңнеханов үткәрде. Киңәшмәдә ТР Премьер-министры Алексей Песошин да катнашты.

Сәхифәләр

Татарстан торак төзелеше буенча еллык планны 35 процентка үтәгән