Җәмгыять 4 май 2010 13:33

Татарстан табиблары Израильдә укып кайтты

Республика клиник хастаханәсе, Бөгелмә, Алабуга, Яңа Чишмә, Чистай һәм Казанның 5-нче хастаханәсе җитәкчеләре һәм җитәкче урынбасарлары Израиль дәү

Скопировать ссылку

(Казан, 4 май, “Татар-информ”). Республика клиник хастаханәсе, Бөгелмә, Алабуга, Яңа Чишмә, Чистай һәм Казанның 5-нче хастаханәсе җитәкчеләре һәм җитәкче урынбасарлары, Татарстан Хөкүмәте гранты кысаларында, Израиль дәүләтенең алдынгы клиникаларында стажировка уздылар.
Табиблар Тель-Авив шәһәрендәге Ассута шәхси госпиталенең диагностика һәм диспетчер үзәкләрендә, И.Рабин исемендәге дәүләт госпиталендә, Хайфа шәһәрендәге Кармэль клиникасында булдылар, гомумпрактика табиблары эше белән таныштылар.
Татарстан вәкилләре шәхси госпитальнең эшләү, дәүләт тарафыннан җайга салу, Израильнең сәламәтлек саклау өлкәсен финанслау, госпитальне булдыру, хастаханә бюджеты һәм медицина хезмәтләре маркетингы принципларын өйрәнде. Яклар алга таба да Израиль клиникаларында белгечләрне укыту юнәлешендә хезмәттәшлек итү турында килеште, дип хәбәр итә Татарстан Сәламәтлек саклау министрлыгының рәсми сайты.

Сәхифәләр

Татарстан табиблары Израильдә укып кайтты