Татарстан төзелеш, архитектура һәм ТКХ министрының яңа урынбасарлары билгеләнде
Татарстан төзелеш, архитектура һәм ТКХ министрының элеккеге урынбасары Айрат Гатиятов Мәскәүгә яңа вазифада эшләргә китте.
(Казан, 3 июль, «Татар-информ»). Архитектура проектлары департаменты җитәкчесе Айназ Ярмиев Татарстан Төзелеш, архитектура һәм ТКХ министрлыгы башлыгы Ирек Фәйзуллинның урынбасары итеп билгеләнде. Бу хактагы карарны Татарстан Премьер-министры Алексей Песошин имзалады. Моннан тыш, бу хакта Instagramдагы битендә Татарстан Президенты ярдәмчесе Наталия Фишман-Бекмамбетова хәбәр итте.
«Яхшы кадрлар белән уртаклашырга кирәк, ә безнең командада алар җитәрлек. Архитектура проектлары департаменты җитәкчесе Айнур Ярмиевны яңа сыйфатта Татарстан халкының уңайлы тормышы өчен шартлар тудырырга җибәрдем», — дип язган үзенең аккаунтында Наталья Фишман-Бекмамбетова.
Айназ Ярмиев аның командасына 2016 елда килгән.