Җәмгыять 25 сентябрь 2017 21:14

Татарстан студент төркемнәре арасындагы спартакиадада Түбән Кама яшьләре җиңү яулады

Ярышта катнашучылар ГТО нормалары тапшырды, бау тарту, шахмат, мини-футбол, стритбол, йөгереш һәм өстәл теннисы буенча көч сынашты.

Скопировать ссылку

(Казан, 25 сентябрь, «Татар-информ»). 24 сентябрьдә Казанда Татарстан студентларының хезмәт төркемнәре арасындагы V җәйге спартакиадасы тәмамланды. Җиңүче итеп Түбән Кама студентларының хезмәт төркеме командасы билгеләнде. Бу хакта Түбән Кама районы башлыгының матбугат хезмәте хәбәр итә.

Җиңүче командада сигез кеше: биш егет һәм өч кыз, алар барысы да хезмәт төркемендә катнаша (төзүчеләр, әйдаманнар).

Спартакиадада икенче урынны Әлмәт дәүләт нефть институтының студентлар төркеме яулады, өченче урын - «Дельта» төркемендә (Казан дәүләт энергетика университеты).

#ГТО нормалары тапшырды #студентлар #спартакиада

Сәхифәләр

Татарстан студент төркемнәре арасындагы спартакиадада Түбән Кама яшьләре җиңү яулады