Татарстан спортчысы суга сикерү буенча Россия чемпионы булды
Никита Шлейхер өч метрлы трамплиннан сикерүдә Евгений Кузнецов һәм Илья Захаровны артта калдырды.
Скопировать ссылку
(Казан, 28 май, «Татар-информ», Артур Шипилов). Татарстан спортчысы Никита Шлейхер өч метрлы трамплиннан суга сикерү буенча Россия чемпионы булды.
Шлейхер 498,7 балл җыеп, «алтын» яулады. 451,1 балл белән «көмеш»не Евгений Кузнецов алды. Бронза медальгә 408,05 балл җыйган Илья Захаров лаек булды.
Татарстанның тагын ике спортчысы - Глеб Касьянов һәм Артем Трубин ярышлар финалына узмады.
- Россия чемпионаты 31 майга кадәр Казанның Су спорт төрләре үзәгендә бара.