Спорт 23 ноябрь 2017 13:34

Татарстан спортчысы Россиядә яшүсмерләр арасында йөзү буенча яңа рекорд куйды

Ил чемпионатында Татарстан йөзүчеләре барлыгы алты медаль яулады.

Скопировать ссылку

(Казан, 23 ноябрь, «Татар-информ»). Кичә Казанның Су спорты төрләре сараенда төгәлләнгән кыска арага йөзү буенча Россия чемпионатында Татарстан спортчылары өч алтын һәм өч бронза медальгә лаек булды. Бу хакта Татарстан Республикасы Яшьләр эшләре һәм спорт министрлыгының матбугат хезмәте хәбәр итә.

Ярышларда катнашкан 860 спортчының 67се (43 ир-ат һәм 24 хатын-кыз) Татарстаннан иде. 5 көн эчендә барлыгы 46 комплект бүләк уйнатылды.

200 һәм 400 метр арага ирекле стиль белән йөзүдә Александр Красных алтын медаль яулады, 400 метрлы дистанциягә комплекслы йөзүдә исә Эдуард Вәлиәхмәтов беренче урынга лаек булды. Моның өстенә, Эдуард Вәлиәхмәтов Россиядә яшүсмерләр арасында йөзү буенча яңа рекорд та куйды.

#Су спорты төрләре сарае #йөзү

Сәхифәләр

Татарстан спортчысы Россиядә яшүсмерләр арасында йөзү буенча яңа рекорд куйды