Татарстан спортчылары Мәскәүдә ушу буенча халыкара турнирда уналты медаль яулады
Татарстан җыелма командасы исәбендә алты алтын, сигез көмеш һәм ике бронза бар.
Скопировать ссылку
(Казан, 2 март, "Татар-информ"). 23-26 февраль көннәрендә Россия башкаласында узган ушу буенча халыкара турнирында Татарстан спортчылары 16 медаль яулады. Бу турыда Татарстан Спорт министрлыгы матбугат хезмәте хәбәр итте.
Турнирда 22 илдән 900ләп спортчы катнашкан.
Яшел Үзән һәм Казаннан 13 спортчы бу турнирда көч сынашкан. Ярышларның дүрт көне нәтиҗәләре буенча Татарстан җыелма командасы исәбендә 16 медаль: 6 алтын, 8 көмеш һәм 2 бронза бар, диелгән әлеге хәбәрдә.