Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан скважиналарындагы су гигиена нормаларына туры килми
Республикада быел төзелгән скважиналарның яртысы гамәлдә түгел, эшләгәннәренең биштән икесендә су эчәргә яраксыз.
(Казан, 4 апрель, "Татар-информ", Айгөл Мотыйгуллина). Татарстанда "Чиста су" федераль максатчан программасын гамәлгә ашыру хокук бозулар белән бара. Бу хакта бүген "Халык фронты "Россия өчен" Бөтенроссия иҗтимагый хәрәкәтенең төбәк штаб утырышында сөйләделәр.
Республиканың Роспотребнадзор мәгълүматлары буенча, Татарстанда республиканың Газлаштыру, энергия саклау технологияләре һәм инженер челтәрләрен үстерү фонды 2014 елда 28 скважина (аларның 75 проценты эксплуатациягә тапшыргач эшләмәгән) төзегән, 2015 елда – 38 скважина (68 проценты эшләмәгән), 2016 елда – 41 скважина (56 проценты эшләмәгән).
2014 елда барлыгы 24 скважина эшләгән, шуларның 57 процентында су гигиена нормаларына туры килмәгән. 2015 елда шулай ук 24 скважина эшләгән, 40 процентында су эчәргә яраксыз дип табылган. 2016 елда гамәлдәге скважиналарның (барлыгы 23) 40 процентка якынында су гигиена нормаларына туры килмәгән.
«Халык зарлана. Бездә елдан ел эчә торган суның сыйфаты буенча шикаятьләр белдергән проблемалы торак пунктларның исемлеге бар. Бу яңа скважиналар төзүгә карамастан шулай. Шушы өч елда 104 скважинаның алтысына гына санитария саклау зонасы таләпләре буенча санитар-эпидемиология белешмәсе бирелгән. Бары тик 4 скважинага гына суны эчәргә яраклы һәм хуҗалык-көнкүреш максатларда тотарга мөмкин дигән санитар-эпидемиология белешмәсе бирелгән», – дип белдерде Татарстан буенча Роспотребнадзор идарәсе җитәкчесегең урынбасары Марина Трофимова.
Ул шулай ук билгеләп үткәнчә, Россия кулланучылар күзәтчелегенең ТР буенча идарәсе адресына килгән 2016 гаризада рөхсәт кәгазьләре турындагысы бөтенләй юк.
"Бюджеттан сизелерлек күләмдә акча күчерелүгә карамастан, "Чиста су" программасы халыкны эчәргә яраклы, чиста су белән тәэмин итү буенча Татарстанда үз максатына ирешә алмады. Еш кына тикшерүләр лицензиясез, экспертизадан башка.үткәрелә. Башкаручылар үз эшләренә тиешле дәрәҗәдә җаваплы карамый. Безнең гражданнар үз краннарыннан эчәргә яраклы чиста су алырга һәм аннан тулы күләмдә файдаланырга хокуклы ", – дип билгеләп үтте Гомумроссия халык фронтының төбәк штабы рәистәше Игорь Бикиев.
Кызыклы яңалыкларны күзәтеп бару өчен Телеграм-каналга язылыгыз