Татарстан синоптиклары юлларда кар көртләре хасил булу турында кисәтте
Республикада урыны белән буран көтелә.
Скопировать ссылку
(Казан, 24 гыйнвар, "Татар-информ"). Бүген кич, иртәгә, 25 гыйнварда, иртән һәм төнлә Татарстанда урыны белән буран көтелә. Юлларда кар көртләре хасил булырга мөмкин. Бу турыда Татарстанның Гидрометеорология үзәге хәбәр итте.
Буран вакытында күз күреме бер километрга кадәр кимүе ихтимал.
Көньяктан искән җил тизлеге секундына 17 метрга кадәр җитәчәк.
- Моңа кадәр "Татар-информ" республикада салкыннар атна азагына кадәр сакланачак дип хәбәр итте.