Татарстан синоптиклары томан һәм көчле җил турында кисәтә
Скопировать ссылку
Бүген һәм иртәгә Татарстанда һава шартларының начараюы көтелә. Бу хакта ТР Гидрометеорология үзәге хәбәр итә.
Бүген көндез республика территориясендә урыны томан сакланачак.
Сишәмбе, 25 ноябрьдә, төбәк территориясендә, шул исәптән Казанда да, урыны белән төнлә һәм иртән яңадан томан барлыкка киләчәк.
Моннан тыш, төнлә дә, көндез дә тизлеге секундына 15 тән 17 метрга кадәр (ТР башкаласында – 15 м/с га кадәр) җитүче көчле җил исәчәк. Бофорт шкаласы буенча, тизлеге 13,9 дан 17,1 м/с кадәр булган җил «көчле» дип атала.