Татарстан синоптиклары иртәнге томан һәм бозлавык турында кисәтә
Скопировать ссылку
Бүген Татарстанда алмашынучан болытлы һава торышы була. ТР Гидрометеорология үзәге хәбәр итүенчә, сизелерлек явым-төшем көтелми. Иртән урыны белән томан булуы ихтимал.
Көньяк һәм көньяк-көнчыгыштан исүче җилнең тизлеге секундына 6-11 метр, һава температурасы -2дән +2 градуска кадәр булачак.
Юлларның аерым урыннарында бозлавык булыр дип фаразлана, шуңа күрә машина йөртүчеләргә һәм җәяүлеләргә сак булырга киңәш ителә.