Татарстан синоптиклары буран һәм томан турында кисәтә
Юлларда бозлавык, урыны белән кар көртләре булырга мөмкин.
(Казан, 3 февраль, «Татар-информ»). Иртәгә, 4 февральдә, төнлә һәм иртән Татарстан территориясендә урыны белән томан төшә. Кар явачак, аерым районнарда көндез көчле буран булырга мөмкин. Бу хакта Татарстан Гидрометеорология үзәге хәбәр итә.
Төнлә термометр баганалары -10, республиканың көнчыгыш районнарында -16 градуска кадәр төшәчәк.
Юлларда бозлавык, урыны белән кар көртләре булырга мөмкин.