Җәмгыять 18 декабрь 2015 14:15

Татарстан синоптиклары һава торышы начарлануы турында кисәтә

Буран һәм томан булуы фаразлана

Скопировать ссылку

(Казан, 18 декабрь, «Татар-информ»). Якындагы көннәрдә Татарстан Республикасы территориясендә һава торышы начарлануы фаразлана. Бу төньяк киңлекләрдән актив төньяк атлантик циклон күчүе һәм Атлантикадан эчке континенталь районнарга бик җылы һәм дымлы һава керүе белән бәйле.
19 декабрьдә бераз кар явуы көтелә,кайбер районнарда томан, төштән соң көнбатыш районнарда буран һәм көньяктан 16 м/с ка кадәр җил булачак. Төнлә һәм иртән 12-17 градус салын булса, аязганда 21 градуска кадәр, иң югары температура көндез 6-11 градус, көнчыгыш районнарда 14 градуска кадәр салкын.
20 декабрьдә юеш кар, буран булы фаразлана. Төнлә һәм иртән 15-20 м/с ка кадәр көчле җил. Төнлә температура 5-10 градус, республиканың көнчыгыш районнарында 15 градуска кадәр салкын, көндез 1-6 градус.
21-24 декабрьдә юеш кар, яңгыр сибәләргә мөмкин. Томан һәм бозлавык булуы ихтимал. Температура 2 градус салкыннан 3 градуска кадәр җылытачак.

Сәхифәләр

Татарстан синоптиклары һава торышы начарлануы турында кисәтә