Татарстан синоптиклары 25 градус салкын булуы турында кисәтә
Скопировать ссылку
Иртәгә, 20 февральдә, Татарстанда һава шартларының сизелерлек начараюы көтелә. Бу хакта ТР Гидрометеорология үзәге хәбәр итә.
Төнлә һәм иртәнге сәгатьләрдә термометр баганалары аязганда -20...-25 градуска кадәр төшәчәк. Республиканың аерым районнарында томан булуы ихтимал.
Шул ук вакытта Казанда тәүлекнең караңгы вакытында һава температурасы -13...-15 градус тәшкил итәчәк.