Җәмгыять 27 июль 2017 07:29

Татарстан шәһәрләрендә эшсезләр саны билгеле булды

Казанда узган атнага караганда эшсезләр саны кимегән.

Скопировать ссылку

(Казан, 27 июль, "Татар-информ"). Татарстан башкаласы һәм моношәһәрләрдә эшсезләр саны билгеле булды. Татарстан Республикасы Хезмәт, халыкны эш белән тәэмин итү һәм социаль яклау министрлыгы китергән соңгы мәгълүматларга караганда, Яр Чаллы халыкны эш белән тәэмин итү үзәгендә рәсми рәвештә 1248 эшсез кеше теркәлгән. Бу үткән атна белән чагыштырганда 25 кешегә азрак.

Республика башкаласы Казанда исә рәсми рәвештә теркәлгән 4137 эшсез кеше бар. Узган атна белән чагыштырганда башкалада эшсезләр саны 94 кешегә кимегән.

Шул ук вакытта Түбән Кама, Яшел Үзән, Менделеевск һәм Кама Аланында эшсезләр саны 22, 11, 3 һәм 2 кешегә арткан.Әлеге мәгълүматны идарә тармагының матбугат хезмәте җиткерде.

#Моношәһәр #эшсезлек

Сәхифәләр

Татарстан шәһәрләрендә эшсезләр саны билгеле булды