Җәмгыять 17 февраль 2010 16:04

Татарстан шәфкать туташларына Исемле сертификатлар тапшырылды

Кичә Төбәкара клиника-диагностика үзәгендә эшләүче шәфкать туташларына Мәскәүдә бөтенроссия күләмендә үткән “Эндоскопик операцияләрнең эпидемиологик иминлеге” конференциясенең Исемле сертификатлары тапшырылды

Скопировать ссылку

(Казан, 17 февраль, “Татар-информ”). Кичә Төбәкара клиника-диагностика үзәгендә узган баш шәфкать туташлары киңәшмәсендә клиниканың эндоскопия бүлеге шәфкать туташларына Мәскәүдә бөтенроссия күләмендә үткән “Эндоскопик операцияләрнең эпидемиологик иминлеге” конференциясенең Исемле сертификатлары тапшырылды.
Декабрь аенда узган интернет-конференцияне Мәскәүдәге Габричевский исемендәге эпидемиология һәм микробиология фәнни-тикшеренү институты, Федераль дистанцион укыту буенча үзәк оештырды. Чарада эндоскопия бүлеге шәфкать туташлары да белемнәрен күрсәтте.
Исемле сертификатлар клиниканың эпидемиологик бүлеге мөдире Валентина Шәрәфетдиновага тапшырылды. Бүләкләнүчеләр арасында баш шәфкать туташы Галина Лихачева, шәфкать туташлары Надежда Демидова, Әлфия Рахманкулова, Елена Грошева телгә алынды. Кулланучылар хокукларын яклау һәм кеше иминлеге өлкәсендә күзәтчелек итү буенча Федераль хезмәтнең җитәкчесе, Россия санитария буенча Баш табибы Геннадий Онищенко Татарстан Республикасында хастаханә эчендә йогышлануны кисәтү эшенең югары дәрәҗәдә алып барылуын билгеләп үтте. Бу турыда Төбәкара клиника-диагностика үзәгенең матбугат хезмәте хәбәр итә.

Сәхифәләр

Татарстан шәфкать туташларына Исемле сертификатлар тапшырылды