Сәясәт 25 март 2018 12:29

Татарстан сайлаучылар катнашуы буенча лидерларның берсе булган

18 мартта узган сайлауларда Идел буе федераль округы иң активларның берсе булды.

Скопировать ссылку

(Казан, 25 март, “Татар-информ”). Идел буе федераль округы Россия Президентын сайлауларда иң активларның берсе булды. Бу хакта “ФедералПресс” хәбәр итә.

Идел буе федераль округының 14 төбәгендә сайлау участокларына сайлаучыларның 69,65 проценты (якынча 15 млн 870 мең кеше) килгән. Шуларның 77,33 проценты (12 млн 272 мең кеше) тавышларын Владимир Путинга биргән.

Татарстан Республикасы Идел буе федераль округында сайлаучылар катнашуы буенча лидерларның берсе булды. Барлык сайлаучыларның 77,5 проценты катнашкан. Владимир Путин өчен сайлау участокларына килүчеләрнең 82 проценттан артыгы тавыш биргән.

Россия субъектлары арасында сайлаучылар катнашуы һәм тавышларын Владимир Путинга бирү буенча Тыва рекордсмен: 93,63 процент һәм 91,98 процент.

Соңгы урында –Ерак Көнчыгыш федераль округы. Биредә сайлаучылар активлыгы 63,99 процент булган. Владимир Путинга сайлау участокларына килүчеләрнең 66,22 проценты тавыш биргән.

#сайлаулар-2018

Сәхифәләр

Татарстан сайлаучылар катнашуы буенча лидерларның берсе булган