Җәмгыять 28 гыйнвар 2010 15:56

Татарстан Сәламәтлек үзәкләрендә 956 кеше сәламәтлеген тикшерде

Быелның гыйнварыннан Татарстанның Сәламәтлек саклау министрлыгы Сәламәтлек үзәкләре эшенә атналык мониторинг ясый

Скопировать ссылку

(Казан, 28 гыйнвар, “Татар-информ”). Быелның гыйнварыннан Татарстанның Сәламәтлек саклау министрлыгы Сәламәтлек үзәкләре эшенә атналык мониторинг ясый. Ел башыннан үзәкләрдә 956 кеше сәламәтлеген тикшерә. 545 кешедә организм функцияләре бозылу турында мәгълүм була. Иң күп кешене Чистай үзәк район хастаханәсе, Яр Чаллының 4-нче һәм 6-нчы шәһәр сырхауханәләре кабул итә. Бу турыда ТР Сәламәтлек саклау министрлыгында узган киңәшмәдә билгеле булды.
Норматив буенча, һәр Сәламәтлек үзәге 200 мең кешене кабул итә ала. Бу нисбәттән, үзәкләрнең җаваплылык зоналары билгеләнә. ТР Сәламәтлек саклау министры урынбасары Руфина Голубева ассызыклаганча, кешеләргә Сәламәтлек үзәкләре турында мәгълүмат җиткерелергә тиеш. Ул шулай ук республика халкын Сәламәтлек үзәкләрендә тикшерү узарга чакырды.
2010 ел Россиядә Укытучы елы дип игълан ителгәнгә, ТР Сәламәтлек саклау министрлыгы Республика хәйриячелек Советына Сәламәтлек үзәкләрендә укытучыларны тикшерү инициативасы белән чыкты. «Без сәламәтлек үзәкләре эшен нык контрольдә тотачакбыз. Быел шундый төр учреждениеләрне булдыру эше дәвам ителер”, - диде Руфина Голубева.

Сәхифәләр

Татарстан Сәламәтлек үзәкләрендә 956 кеше сәламәтлеген тикшерде