Татарстан Сәламәтлек саклау министрлыгы күп очрый торган психик авыруларны атады
Татарстанда психик авырулар аркасында инвалидлык алган кешеләр саны арта.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 21 июнь, «Татар-информ»). Татарстанда яшәүче өлкәннәр арасында күп таралган психик авырулар - невротик холык бозылу һәм психозсыз уза торган чирләр. Икенче урында психозлар, өченчедә шизофрения тора. Бу хакта «Татарстанстат» мәгълүматларына сылтама белән Татарстан Сәламәтлек саклау министрлыгының матбугат хезмәтендә хәбәр иттеләр.
Медицина хезмәткәрләре мәгълүматы буенча, психик авырулар саны үзгәрми, ә менә психик авырулар аркасында инвалидлык алган кешеләр саны арта.
«Бездә психик авырулар буенча инвалидлык алган балалар һәм өлкәннәр саны арта. Табибка соң мөрәҗәгать итү аркасында инвалидлык алучылар арта. Шәхси үзәкләргә йөриләр, өйдә дәваланалар, төрле инстанцияләр буенча йөртәләр, ә безгә авыру азгач киләләр», – дип аңлатты Бехтерев исемендәге Республика клиник психиатрия хастаханәсенең баш табибы Фәрит Җиһаншин.
«Ә авыручылар саны якынча алганда, үзгәрми. Без 80 мең кешене күзәтеп торабыз», – диде Фәрит Җиһаншин.